Hysaj: Kujdes nga Italia

Elseid Hysaj, mbrojtësi i Kombëtares, u ka bërë thirrje shokëve të skuadrës që të kenë kujdes nga Italia të hënën.

Pas humbjes nga Spanja, me rezultat 3:0, kombëtaren shqiptare e pret një ndeshje e vështirë të hënën. Kuqezinjtë do të përballen me Italinë, e cila në ndeshjen e fundit barazoi me Maqedoninë 1:1.

Mbrojtësi i Kombëtares, Elesid Hysaj pret që Italisë në Shkodër të shpërthej për t’iu treguar tifozëve të tyre se kanë cilësi në skuadër.

“E dimë që Spanja është një nga pretendonte për trofeun. Goli i parë ishte shumë i bukur, në dy të tjerët mund të bënim diçka më shumë. Nuk duhet të pësojmë gola kaq shpejt, por ndodh në futboll. Ne kishim 2-3 raste por nuk shënuam”, ka deklaruar Hysaj

“Në Shkodër do kem një kundërshtar shok skuadre te Napoli. Do jetë një ndeshje shumë e bukur, të tregojmë se dimë të luajmë futboll si në pjesën e dytë këtu. Besoj që një skuadër si Italia nuk gabon në lidhje me motivimin. Nëse sot luajtën keq, do jenë akoma më të egër për t’i treguar tifozëve se çfarë cilësisht kanë”, tha Hysaj. /Express/