Hysaj: Jap gjithmonë maksimumin për kombëtaren, Liga e Kombeve një shans më shumë

I kënaqur me fitoren Elseid Hysaj. Në intervistën e tij për Supersport foli si një kapiten i vërtetë duke shpjeguar recetën fituese, ndërsa foli edhe rastin e humbur por edhe për polemikat që vinë nga jashtë që Hysaj nuk jep maksimumin në kombëtare.

“Ishte e detyrueshme kjo paraqitje pas atyre paraqitjeve të dobëta. Ishim mirë fizikisht, dhe mund të kishim fituar edhe më thellë, pasi shpërdoruam shumë mundësi shënimi.

“Unë jap gjithmonë maksimumin për vendin tim, por njerëzit nuk kanë punë tjetër le të vazhdojnë të flasin. Liga e Kombeve është një mundësi më shumë për kombëtaret si ne, për të shkuar në Europian.

“Ai rast i humbur do më mbetet në mendje për shumë kohë, do bëhem gati për ndeshjen tjetër”.