RCCOLA

Hysa për Bloomberg: Vuçiqi po dëshiron të bëhet një Putin i vogël, ndërsa Kurti një Zelensky i vogël

/ 2 minuta lexim

Tronditja e luftës në Kosovën e ndarë është një paralajmërim për Europën, shkruan Bloomberg në një artikull së fundi.

Ende i plagosur nga ndarja për më shumë se dy dekada pas një paqeje të brishtë, shteti është një ogur shqetësues për Europën e zhytur sërish në konflikt.

Fundamenti

Udhëheqësit në Kosovë dhe Serbi janë nën presion të shtuar ndaj tyre nga Washingtoni e Brukseli për të përmbushur premtimet e tyre për t’u pajtuar pas çimentimit të fuqisë së tyre.

Kurti fitoi 50% të votave në zgjedhjet e fundit, ndërsa partia e Vucic mori gati 60% të votave në Serbi, shkruan Bloomberg. Por mandatet e tyre u kanë mundësuar gjithashtu të shtojnë retorikën kundër njëri-tjetrit dhe të heshtin opozitën, duke e bërë më të vështirë bashkëjetesën në terren.“Nëse e doni komentin tim cinik, duket sikur kemi Vucic, që dëshiron të bëhet një Putin e vogël, ne kemi Kurtin, që dëshiron të bëhet një Zelenskiy i vockël dhe ne kemi Perëndimin që po përpiqet të arrijë unitetin transatlantik të viteve 1990”, tha Ylber Hysa, një ish-diplomat i Kosovës tani i kthyer në Prishtinë.