Hyka stërvitet vetëm

Për shkak se dy klubet ende nuk kanë arritur marrëveshje, Jahmir Hyka është duke u stërvitur veçmas, derisa pjesa tjetër e skuadrës së Luzernit është në përgatitje në Spanjë.

Situatë aspak e mirë për mesfushorin e Kombëtares shqiptare, Jahmir Hyka. Ai dukej se ka arritur marrëveshje me skuadrën amerikane, San Jose, megjithatë, ende nuk ka asgjë zyrtare, shkruan albinfo.ch.

Për këtë arsye ai tashmë është duke stërvitur veçmas dhe jo me skuadrën e Luzernit. Hyka është duke pritur zyrtarizmin nga skuadra amerikane, derisa dy klubet ende nuk kanë arritur marrëveshje.

Hyka ka komentuar shkurtimisht këtë çështje për mediat zvicerane. “Nuk është gjithçka e mbyllur, por bisedimet janë të avancuara. Klubet duhet të gjejnë një akord për transferimin afatin kalimtar të janarit”, tha ai.

Me pak fjalë, futbollisti është gati të shkojë në SHBA, por San Joze nuk ka komunikuar ende zyrtarisht me klubin zviceran, i cili ka braktisur dimrin e ftohtë zviceran për të shkuar në Spanjë, duke lënë pas vetëm Hykën.

Një mundësi është që Hyka të transferohet gjatë verës, megjithatë, mesfushori shqiptar dëshiron të shkojë në Kaliforni gjatë janarit.

http://www.albinfo.ch/hyka-stervitet-vetem/