Hungaria e interesuar të investojë në Kamenicë

Kamenicë – Kryetari i Komunës Qëndron Kastrati, së bashku me drejtorin e Drejtorisë për Kulturë, Rini dhe Sport, Arianit Ibrahimi, kanë pritur në takim zëvendës ambasadorin e Hungarisë në Kosovë, z.Bela Boszik, sekretarin e parë të kësaj ambasade Zoltán Gulyás, drejtoren Ekezekutive të Fondacionit Jahjaga, Brikena Avdyli, si dhe menaxheren e projektit Arlinda Zaimi.

Kreu i komunës, Qëndron Kastrati, ka thënë se në këtë takim është diskutuar për mundësitë e bashkëpunimit në fushën e rinisë.
“Pata kënaqësi të mirëpres në Kamenicë, zëvendës ambasadorin e Hungarisë në Kosovë, z.Bela Boszik dhe sekretarin e parë të kësaj ambasade Zoltán Gulyás. Bashkë me z.Boszik, z. Gulyás dhe drejtoreshën e Fondacionit Jahjaga, znj.Brikena Avdyli, diskutuam për mundësitë e bashkëpunimit në fushën e rinisë, në mënyrë që t’u krijojmë kushte më të mira”, është shprehur Kastrati.

Edhe drejtori i Drejtorisë për Kulturë, Rini dhe Sport, Arianit Ibrahimi, tha se janë duke punuar në krijimin e kushteve më të mira për të rinjtë e Kamenicës.
“Krijimi i kushteve për të rinjtë e komunës sonë është njëra ndër prioritetet tona. Në vazhdimësi jemi duke hulumtuar bashkëpunime të tilla në mënyrë që të krijojmë mundësi më të mira për ta”, ka thënë ai./rajonipress/

Shpërndaje.
© RAJONIPRESS