Fundamenti

Humbja ndaj Clujit nuk e zbeh paraqitjen e mirë – Albion Rrahmani nuk po ndalet së shënuari në Rumani

/ 1 minutë lexim
Eco Higjiena

Rapid Bukureshti ka pësuar humbje me rezultat të thellë 4-1 ndaj Clujit në kuadër të play-offit në elitën e futbollit rumun.

Golin e vetëm në këtë takim për Rapidin e shënoi sulmuesi kosovar Albion Rrahmani, duke konfirmuar përsëri formën fantastike që po kalon këtë sezon.

Rrahmani u gjend mjaft mirë brenda zonës në minutën e 81-të duke shfrytëzuar topin e kthyer në zonë pas pritjes së portierit për ta çuar topin në rrjetë.

Mobi Casa

Ky ishte goli i 15-të i Rrahmanit me fanellën e Rapidit në këtë edicion të garave, teksa ka bërë edhe tri asistime.

Rapidi do të rikthehet në aksion përsëri të hënën ku do të luajë përballë Sepsit në kërkim të fitores.

Rrahmani dhe bashkëlojtarët e tij do të synojnë rikthimin tek rezultatet pozitive, pasi janë pa fitore në tri ndeshjet e fundit./Telegrafi/