Humbin jetën drejtuesi i automjeti dhe njëri nga pasagjerët në rrugën Kllokot – Viti

Policia e Kosovës është informuar se me 31 tetor 2020 pas mesnate rreth orës 00:10 min ka ndodh një aksident trafiku.

Nga hetimet e para dyshohet se deri te aksidenti të ketë ardhur atëherë kur një veturë në lëvizje në të cilën kanë qenë tre persona në rrugën Kllokot-Viti, humb kontrollin dhe përplaset jashtë rrugës. Me këtë rast lëndime vdekjeprurëse pëson drejtuesi i automjetit (1985) i cili ndërron jetë në vendin e ngjarjes, ndërsa dy pasagjeret dërgohen në Qendrën emergjente në Gjilan. Njëri nga pasagjerët (1988) edhe përkundër ndihmës së ofruar ndërron jetë si pasoj e lëndimeve të marra në aksident, ndërsa Pasagjeri i tret (1981) dërgohet në QKUK-Prishtine në gjendje të rënd.

Lidhur me rastin është njoftuar Prokurori për Krime të Rënda dhe me urdhër të tij trupat e pa jetë janë dërguar në IML për obduksion.

Ky rast i rëndë është duke u hetuar nga Policia e Kosovës njësitet e trafikut rajonal njoftoi Ismet Hashani./rajonipress/