Humbi jetën në punë, Shpejtim Gashi la pas gruan dhe tre fëmijë

44-vjeçari shqiptar jetonte me gruan dhe tre fëmijët e tij në vendin e quajtur Ponte di Piave, Treviso.

Një shqiptar nga Kosova ka humbur jetën aksidentalisht në vendin e punës në Itali. 44-vjeçari Shpejtim Gashi, u godit nga krahu mekanik i një pajisjeje më të cilën po punonte, shkruan “Treviso Today”.

Kompania e mobilieve “3B” në Salgareda të Italisë bëri një njoftim ngushëllimi për familjen e Gashit.

“Me dhimbje të madhe njoftojmë vdekjen e punonjësit tonë Shpejtim Gashi pas një incidenti në punë. Po kryhen hetimet për përcaktimin e shkaqeve të ngjarjes”, shkruhet në njoftim, shkruajnë mediat kosovare.

Pas incidentit, menjëherë në vendngjarje shkuan policia e doktorët, por për fat të keq nuk mund të bëhej asgjë, përcjell albinfo.ch.

Prej vitesh, 44-vjeçari shqiptar jetonte me gruan dhe tre fëmijët e tij në vendin e quajtur Ponte di Piave, Treviso.

Kompania “3B” në shenjë zie ndërpreu punimet për një ditë.

http://www.albinfo.ch/humbi-jeten-ne-pune-shpejtim-gashi-la-pas-gruan-dhe-tre-femije/