Humb jetën një gjilanas në aksidentin e shkaktuar në rrugën Pasjan – Gjilan

Gjilan – Më 24 maj 2021 rreth orës 18:33, ka ndodhur një aksident trafiku me lëndime të rënda trupore. Dyshohet se deri te aksidenti të ketë ardhur atëherë kur Automjeti “Golf” me tabela 06 ka qenë duke lëvizur në drejtimin Pasjan – Gjilan, i njëjti dyshohet të jetë ndeshur me veturën “Astra” po me tabela 06 e cila ishte duke lëvizur në drejtim të kundërt, dhe si pasoj shkaktohet aksident trafiku ku lëndime trupore pësojnë dy drejtuesit e dy veturave, dhe dy pasagjerë në dy veturat.

Drejtuesi B.F. (1989) i ipet ndihma e parë në QE-Gjilan i njëjti transferohet për në Prishtinë në QKUK, kurse të lënduarit tjerë lirohen në shtëpi.

Nga QKUK- Prishtinë jemi njoftuar se Drejtuesi B.F. (1989) edhe përkundër përpjekjeve të mjekëve për ndihmë të ofruar, për shkak të plagëve të rënda të pësuara në aksident nuk ka mundë t`i mbijetoj plagëve të pësuara.

Prokurori i Shtetit i krimeve të rënda ka urdhëruar që trupi i pa jetë të dërgohet në IML. Rrethanat e këtij aksidentit të rëndë janë duke u hetuar njoftoi Ismet Hashani./rajonipress/