Humb jetën një 43 vjeçare, kërceu nga kati i pestë i ndërtesës
Gjilan – Të mërkurën rreth orës 10:35, Policia e Kosovës në Gjilan ka pranuar një informatë se tek kompleksi banesor “Elita” ne rrugën “Enver Miftari” në Gjilan, një person i gjinisë femërore ka ndërruar jetë. Me të marr këtë informacion ekipi i hetueseve të hetimeve rajonale së bashku me krim-teknikët është paraqitur në vendngjarje.
Sipas hetimeve preliminare që janë zhvilluar lidhur me këtë ngjarje kemi kuptuar se viktima shqiptare shtetase e Kosovës e lindur 1975, kishte kërcyer nga terasa e banesës që gjendej në katin e pestë të këtij objekti banesor.
Prokurori i Shtetit i cili ishte prezentë në vendngjarje, ka urdhëruar që trupi i pa jetë i viktimës të dërgohet për obduksion që të konstatohet shkaku i vdekjes së të ndjerës.
Sipas deklaratave të familjarëve besohet se tani e ndjera te ketë vuajtur nga probleme shëndetësore. Pas këqyrjes së vendit të ngjarjes trupi i pa jete është dërguar në morgun e IML-Prishtinë. Hetimet lidhur me këtë ngjarje do të jenë në vazhdim njoftoj Ismet Hashani./rajonipress/