Humb jetën nga një aksident 17-vjeçarja kosovare në Gjermani

Raportohet se një ngjarje e rëndë ka ndodhur të martën në Gjermani, ku 17-vjeçarja, D.R., me prejardhje nga Kosova, ka humbur jetën pasi u godit nga vetura derisa ishte duke shkuar në shkollë, informon albinfo.ch.

Lajmin për vdekjen e saj e kanë bërë të ditur vetë familjarë e së ndjerës përmes rrjeteve sociale.

“Familjarë, miq dhe shokë, deshta ta ndaj një dhimbje të thellë në zemren time dhe të familjes. Më 24.05. 2022, me rastin e vdekjes së mbesës sime (vajzës së motrës) D. R., e cila humbi jetën dje si pasojë e goditjes me veturë derisa ishte duke shkuar në shkollë në Gjermani. Ishte në lule të rinisë, edhe 1 muaj i mbushte 18 pranvera, një vajzë me tipare tamam shqiptare , gjithashtu në javën e ardhshme e kemi pritur që të na vizitonte dhe besoni se me gëzim e kishte përgatitur valigjen, d.m.th. 1 javë përpara, ndërsa tani po e presim të vijë në arkivol”, ka shkruar daja i saj në Facebook.

Varrimi i së ndjerës do të bëhet nesër, në varrezat e qytetit të Pejës.

Humb jetën nga një aksident 17-vjeçarja kosovare në Gjermani