Humb jetën motoçiklisti, përplaset në një automjet të parkuar në trotuar

Gjilan – Më 16 qershor 2019 rreth orës ‪23:40‬, Policia e Kosovës ka pranuar një informatë se ka ndodhur një aksident trafiku, në fshatin Koretin komuna e Kamenicës. Njësitet e trafikut rajonal i janë përgjigjur rastit dhe me urgjencë kanë dal në vend të ngjarjes. Nga hetimet e para mësohet se deri te aksidenti ka ardhur, kur vozitësi i motoçikletës dyshohet nga mos përshtatja e shpejtësisë ka humbë kontrollin ndaj drejtimit të mjetit duke u përplas jashtë rrugës, në një automjet të parkuar në trotuar. Si pasoj e plagëve të marra vozitēsi F.S. (1995) ka ndërruar jete, ndërsa pasagjeri i lënduar rëndë fillimisht është dërguar në Spitalin Rajonal të Gjilanit e ma pastaj në QKUK në Prishtinë.

Policia e Kosovës, njësitet e trafikut rajonal janë duke i udhëheq hetimet lidhur me kêtë vet aksident të rëndë njoftoj Ismet Hashani./rajonipress/