Humb jetën foshnja e porsalindur, arrestohet i dyshuari

Gjilan – Me datën 29.08.2017 në ora 10:15 nga QKFM në Viti kemi marrë informatën se viktima femër shqiptare ka kërkuar ndihmë mjekësore, pasi mjekët kanë dyshuar, e kanë lajmëruar edhe policin. Sipas mjekëve viktima ka pasur një lindje dhe nuk dihet ku është fëmija. Njësia policore dhe njësia e hetimeve të S.P. Viti iu kanë përgjigjur rastit, dhe së bashku me ambulancën kanë shkuar në fshatin Letnicë dhe në përroin e fshatit të mbështjellur me batanije kanë gjetur të porsalindurën – fëmijën e gjinisë femër pa shenja jete.

Këtë e kanë konstatuar mjeku i QKMF nga Vitia në vendin e ngjarjes. Lidhur me rastin në vendin e ngjarjes kanë dalur edhe hetimet Regjionale nga Gjilani së bashku me prokurorin e krimeve të rënda, ku me urdhrin e prokurorit fëmija është marrë nga Instituti i Mjekësisë Ligjore dhe dërgohet në Autopsi.

Ndërsa viktima gjendet në Spitalin Regjional në Gjilan.
Në bazë të intervistave që janë zhvilluar deri më tani me palët në proces, dyshohet se foshnjën e njëjtë ta ketë privuar nga jeta, vrarë babai i saj Xh.K, prandaj pas intervistës në cilësinë e të dyshuarit i njëjtit nga prokurori i shtetit i është lëshuar Aktvendimi mbi ndalimin edhe atë për 48-orë njoftoj nënkolonel Shaban Azizi./rajonipress/