Humb jetën 46 vjeçari nga Osllara e Bujanocit në aksident me bicikletë

Në aksidentin rrugor që ka ndodhë ditën e hënë, rreth orës 21:15, në rrugën shtetore të radhës A, afër fshatit Bozhinjevac, komuna e Bujanocit ka humbur jetën 46 vjeçari I.I nga fshati Osllare, komuna e Bujanocit.

Siç mëson presheva.com, deri tek aksidenti ka ardhë gjatë kontaktit të veturës të tipit “Opel” me targa VR të cilën e ka drejtuar M.V (1990) nga komuna e Vranjës dhe bicikletës. Biciklisti i lënduar ka ndërruar jetë pas lëndimeve që kishte pësuar.

Me urdhër të prokurorit të prokurorisë publike themelore në Vranjës, pas hetimit të policisë të kryer në vendin e ngjarjes ka miratuar vendimin për paraburgim prej 48 orësh të M.V për shkak të dyshimit se ka kryer vepër penale të rëndë kundër sigurisë së trafikut publik. /presheva.com/