Humaniteti gjatë muajit të shenjtë të Ramazanit

Gjilan – Humanistët shqiptarë vazhdimisht kanë qenë solidar me shekuj të tërë, sa herë që ka pas nevojë t’ju dilet popullit në ndihmë në situata të ndryshme si në jetën e përditshme po ashtu edhe gjatë festave shtetërore e fetare.

Jakup Ismajli pemëshitës me familje e tij, tani e disa vite njihet si humanist i madh për njerëzit që kanë nevoje për gjërat elementare të jetës.

Ismajli gjatë tërë muajit të shenjtë të Ramazanit, qytetarëve të cilët kanë nevoje ju shërben bukën falas.
“Jam shumë i lumtur që sado pak t’ju dal në ndihmë popullit tim me bukë e disa gjëra të cilat i kemi në pemëshitësin tonë, posaçërisht jam i lumtur që në këto ditë të muajit të shenjtë të Ramazani kur është muaji i solidaritetit dhe dashuria ndaj këtyre familjeve t’ju zbusim gjendjen e tyre ekonomike, por jam edhe shumë i trishtuar që edhe në këtë kohë njerëzit kanë nevojë për një kafshatë të bukës, unë asnjëherë nuk do të ndalem për të mirën e popullit tim”, ka bërë të ditur pemëshitësi nga Gjilani, Jakup Ismajli./rajonipress/