Hulumtimi në varrezën masive në Rashkë, vazhdon në mars

Kryetari i Komisionit për persona të zhdukur në qeverinë e Serbisë, Velko Odalloviq ka deklaruar se hulumtimi i varrezës masive në Rashkë do të vazhdojë në mars të vitit të ardhshëm.

Ai ka thënë për mediat serbe se vetëm në mars do të mund të kryhen përgatitjet për hulumtim të detajuar të lokacionit, transmeton KTV-ja.

Ndërkohë, takimi i grupit punues për të zhdukurit do të mbahet në fillim të shkurtit në Prishtinë, tha Odalloviq.

Një ditë më parë familjarë të personave të pagjetur kanë parë nga afër vendin ku është zbuluar varreza masive në Rudnicë të Rashkës.

Gërmimet në këtë vend nisën më 17 tetor të vitit 2013, për t’u ndërprerë dy ditë më pas, derisa rifilluan më 11 dhjetor, ndërsa kërkesat e kosovarëve për të nisur gërmimet ishin bërë para disa vjetësh. /Indeksonline/