Hudhra ka aftësinë të stimulojë qelizat e sistemit imunitar

Hudhra ka aftësinë të stimulojë qelizat e sistemit imunitar, duke përmirësuar aftësinë e trupit për të luftuar infeksionet.

Një studim i publikuar në Advances in Therapy tregon se njerëzit që konsumonin rregullisht suplemente me hudhër kishin më pak raste ftohjeje dhe shërim më të shpejtë kur infektoheshin.

Studime epidemiologjike sugjerojnë se njerëzit që konsumojnë rregullisht hudhër kanë një rrezik më të ulët për disa lloje të kancerit, sidomos kancerin e stomakut dhe zorrës së trashë.

Efekti mendohet të vijë nga aftësia e përbërësve të saj për të neutralizuar substancat kancerogjene dhe për të stimuluar mekanizmat e vetë-shkatërrimit të qelizave të dëmtuara.

Hudhra është më efikase kur konsumohet e freskët dhe e shtypur. Pas shtypjes, lëreni të qëndrojë 5-10 minuta para gatimit – kjo lejon formimin maksimal të alicinës. Për përfitime shëndetësore, mjaftojnë 1-2 thelpinj në ditë.