Hoxhaj telefonon senatorin Bob Dole, e falënderon për mbështetjen e madhe amerikane ndaj Kosovës

RajoniPress 16:05, 4 Janar, 2021

/ 2 minuta lexim

Kandidati për kryeministër nga PDK, Enver Hoxhaj, përmes një telefonate që e ka pasur me senatorin Bob Dole, e ka falënderuar atë për mbështetjen e vazhdueshme që i ka dhënë popullit të Kosovës.

“Si kryeministër i ardhshëm e sigurova atë se, edhe në sfidat dhe proceset e ardhshme, përkushtimi ynë, përkushtimi i popullit tonë, do të jetë forcimi i partneritetit strategjik në mes të dy vendeve tona.”, ka shkruar Hoxhaj në Facebook, derisa ka shpërndarë edhe një fotografi, ku shihet bashkë me Bob Dole.

Postimi i plotë:

Kisha kënaqësinë dhe nderin që gjatë një bashkëbisedimi shumë të mirë t’i uroj Vitin e Ri mikut të madh të Kosovës, ish kandidatit për president të SHBA-ve, senatorit Bob Dole.

Edhe këtë herë, sikur gjatë gjithë jetës së tij, senatori Dole shprehu dashurinë e tij të madhe për Kosovën dhe urimin që të kemi një vit sa më të mbarë dhe me më shumë prosperitet. E falënderova përzemërsisht senatorin Dole për mbështetjen e vazhdueshme që i ka dhënë popullit të Kosovës.

Si kryeministër i ardhshëm e sigurova atë se, edhe në sfidat dhe proceset e ardhshme, përkushtimi ynë, përkushtimi i popullit tonë, do të jetë forcimi i partneritetit strategjik në mes të dy vendeve tona. Aty ku është Amerika është edhe Kosova!

Hoxhaj telefonon senatorin Bob Dole, e falënderon për mbështetjen e madhe amerikane ndaj Kosovës

Mund të ju interesoj:

Moti për sot në Kosovë, temperaturat shkojnë deri në 31 gradë

Fjalimi i plotë i Ramës për Nanon: Më vjen të mos të të them lamtumirë, por mos vdeksh kurrë

Mëngjesi i ftoftë e mesdita ngrohtë – Moti për sot

Limaj: Koalicioni “PAN” ishte gabimi më i madh politik, Nisma pagoi kosto