Hoxhaj: Duhet shfrytëzuar konteksti i tanishëm ndërkombëtar për marrëveshje me Serbinë
Zëvendëskryeministri i Kosovës, Enver Hoxhaj, ka thënë se presidenti i Kosovës, Hashim Thaçi dhe kryeministri i Kosovës, Ramush Haradinaj, do të kenë qëndrime të harmonizuara në Berlin.
Hoxhaj ka thënë se duhet shfrytëzuar momentumi për aq kohë sa partnerët tanë ndërkombëtarë janë të fokusuar për mbështetjen e dialogut.
“Natyrisht që nuk është mirë nëse ka qëndrime të ndryshme kur është një delegacion. Por unë jam i sigurt që qëndrimet do të jenë të harmonizuara. Dialogu është në interes të Kosovës, nëse ne duam ta përmbyllim procesin e shtetndërtimit. Në takime të tilla nuk mund të ketë shumë dallime të mëdha të pikëpamjeve”, ka theksuar Hoxhaj në RTK.
“Ajo se çka është me rëndësi të ndodhë në Berlin është që Kosova të jetë e përkushtuar”.