Hoxhaj: BE-ja të mos e vendos në status-quo Kosovën

Ish ministri i Jashtëm, Enver Hoxhaj ka folur me tone kritike ndaj zhvillimeve të fundit që kanë të bëjnë në raport me BE-në.

Në një ligjeratë të organizuar nga fondacioni gjerman, GIZ, Hoxhaj ka thënë se BE-ja nuk bën ta vendos në status quo sepse në fund çmimi do të paguhet nga të gjithë.

Statusi i plotë i Hoxhajt në “Facebook”:

Në një bashkëbisedim interesant me shtetas të huaj dhe qytetarë kosovarë që punojnë për organizata ndërkombëtare të organizuar nga GIZ, kam folur për shtetbërjen e Kosovës, sfidat e brendshme dhe raportin me BE-në.

Theksova se Kosova si shtet i ri dhe i brishtë nuk duhet të vendoset në një status quo nga ana e BE-së duke mos i’u ofruar liberalizimi i vizave dhe perspektiva e qartë për integrim.

Njëjtë nuk duhet të sillet Brukseli as ndaj vendeve të rajonit sepse në fund do ta paguajmë të gjithë cmimin e mos-integrimit.

Njëherësh diskutuam edhe për shoqërinë kosovare dhe kulturën e shpresës së saj që ka bërë të mundur që në pesëmbëdhjetë vite të ndërtohet një shtet i ri nga themelet.

Por gjithnjë duke pranuar faktin se mund të bëhet edhe më shumë në të gjitha segmentet e shtetit të Kosovës. EHoxhaj