Fundamenti

Hovenier: Nëse Qeveria nuk u përgjigjet kërkesave tona, ka pasoja në cilësinë e partneritetit

/ 2 minuta lexim

Ambasadori amerikan në Kosovë, Jeffrey Hovenier, ka paralajmëruar pasoja në cilësinë e partneritetit me Kosovën, në rast se kryeministri Albin Kurti, nuk dëgjon kërkesat e SHBA-së për çështje të ndryshme.

“Në masën që qeveria është e përgjegjshme për gjërat që ne besojmë se janë të rëndësishme dhe të cilat besojmë se e avancojnë trajektoren evropiane dhe euro-atlantike të Kosovës, rrit partneritetin tonë. Në masën që qeveria nuk përgjigjet kjo ndikon në cilësinë e partneritetit tonë”, ka deklaruar Hovenier në RTV 21.

Ambasadori amerikan ka thënë se nuk po shohin se Qeveria po u përgjigjet shumë kërkesave të tyre.

“Nuk është gabim të thuhet se jemi të shqetësuar dhe do të donim që të shihnim përgjegjshmëri më të mëdha ndaj kërkesave tona nga ajo që ne po shohim se kemi në këtë kohë”.

Hidromorava

Hovenier ka thënë se procesi i zgjedhjeve në komunat veriore po shkon shumë ngadalë.

Ai thotë se nuk do të kenë durim të presin shumë gjatë.

“Unë e di se jemi në përfundim të një hapi të rëndësishëm që është se peticionet janë nënshkruar, kanë indikacione janë se më shumë se 20 për qind e votuesve të regjistruar me të drejtë vote që i kanë nënshkruar këto peticione, por vetëm Komisioni Qendror i Zgjedhjeve mund ta konfirmojë këtë. Por sapo të ndodhë kjo, është mjaft e rëndësishme që autoritetet të bëjnë gjithçka që është e mundur për të siguruar që hapi tjetër të ndodhë pa vonesa. Dhe ne nuk do të jemi shumë të durueshëm. Hapi tjetër duhet të ndodhë brenda afatit të parashikuar, që mendoj se është 45 ditë”, ka deklaruar Hovenier.