Hidromorava

Hoti: Votuesit e LDK’së nuk e votojnë as VV’në as Vjosa Osmanin

/ 2 minuta lexim

Kryeministri në detyrë, Avdullah Hoti, njëherit edhe kandidati për kryeministër nga radhët e LDK’së, ka thënë se kandidatja për presidente nga radhët e LVV’së, Vjosa Osmani, njëherit edhe ushtruese e detyrës së presidentit, nuk ka kurrfarë ndikimi tek votuesit e LDK’së.

Hoti, i ftuar në emisionin ‘Pressing’, ka thënë se as largimi i Osmanit, e as fushata e saj politike nuk i sjellë vota tradicionale të LDK’së asaj, shkruan Gazeta Express.

“Largimi nga LDK ka pasur zero ndikim. Besoj se unë njoh edhe strukturat edhe elektoratin tradicional të LDK’së. Efekti i saj është zero. Nuk e duron elektorati i LDK’së Vjosa Osmanin. Njerëzit që kanë qenë tradicionalisht LDK nuk e votojnë Vetëvendosjen”, deklaroi Hoti.

RCCOLA

Kreu i ekzekutivit në detyrë e ka konsideruar si propagandistike prezencën e flamurit të ish-presidentit Rugova në tubimet elektorale të VV’së.

Prijësi i listës së kandidatëve për deputetë nga radhët e LDK’së ka numëruar Marrëveshjen e Uashingtonit më 4 shtator mes Kosovës dhe Serbisë si sukses të nomenklaturës së shtatë.

“LDK ka dhënë arsyeshmërinë e plotë të rrezimit të qeverisë paraprake, vendimet që kanë marrë LDK’ja kanë qenë të plota. Marrëveshja e Uashingtonit është më e madhja që është nënshkruar ndonjëherë”, ka thënë ai. /Gazeta Express/