Për hyrjen e xhandarmërisë serbe në Karaçevë të Kamenicës është deklaruar sot edhe kryeministri i vendit, Avdullah Hoti.
Ai ka thënë se me rastin po merren organet përkatëse dhe se së shpejti do të ketë raport më të detajizuar.
Hoti tha se qytetarët në atë pjesë nuk do të jenë pa mbrojtje të institucioneve, raporton Zëri.info.
“Lidhur me atë që ka ndodhur dje në Karaçevë, janë angazhuar të gjitha organet përkatëse për të vlerësuar rastin. Shpejt do të kem një raport të detajizuar. Qytetarët tanë në atë pjesë nuk do të jenë pa mbrojtje të institucioneve”, ka shkruar ai në një postim në “Facebook”.
Shefi i ekzekutivit të vendit, Avdullah Hoti ka potencuar se veprimet e institucioneve të Kosovës do të jenë në përputhje me kushtetutën dhe ligjin. “Veprimet tona do të jenë në përputhje me kushtetutën dhe ligjin, si dhe të koordinuara me të gjithë mekanizmat e sigurisë në vend”, tha ai.
Dje gjatë ditës një banorë i fshatit Karaçevë të Kamenicës ka publikuar një video ku shihet xhandarmëria serbe duke kaluar në këtë fshat. /Zëri
