Hoti reagon ndaj Daçiqit: Këto kërcënime janë boshe, të reagojë BE-ja

Shefi i grupit parlamentar të Lidhjes Demokratike të Kosovës, Avdullah Hoti ka reaguar ndaj deklaratave të Ministrit të Jashtëm serb, Ivica Daçiq, ku përmend ndërhyrjet e forcave serbe në veri të Kosovës.

Për deputetin e LDK-së këto kërcënime janë boshe, pasi tani Kosova e ka ushtrinë e vet dhe se KFOR-i është ende i pranishëm në territorin e shtetit tonë.

Sipas tij, kjo është një gjuhë kërcënuese që dëshmon se arritja e një marrëveshje mes dy vende është ende larg.

Për këtë arsye, Hoti i ka bërë thirrje Bashkimit Evropian që të reagoi karshi kë saj gjuhe kërcënuese.

Çdo dite dëgjojmë kërcenim nga Serbia, siç është rasti i fundit me kërcënimin e ministrit të jashtëm serb për ndërhyrje ne veri të Kosovës. Ata e dinë se Kosova tani e ka ushtrinë e vet, dhe se KFOR është ende në Kosovë. Prandaj, edhe ata e dinë se këto kërcënime janë boshe.

Por, kjo gjuhe kërcënuese tregon se arritja e marrëveshjes në mes të dy vendeve është ende larg. Kjo gjuhë duhet të ndalet para çfarëdo dialogu. BE-ja duhet të reagojë.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).