Hoti: Qeveria merr përsipër mbulimin e shpenzimeve të Kartonit të Gjelbër

Kryeministri i vendit, Avdullah Hoti ju uron mirëseardhje bashkatdhetarëve të cilët marrin rrugë për Kosovë, duke i njoftuar ata se është arritur marrëveshja për Kartonin e Gjelbër, që liron nga pagesa bashkëatdhetarët, transmeton Zeri.info.

Hoti përmes një postimi në llogarinë e tij në “Facebook” ka njoftuar se qeveria e Kosovës do të marr përsipër mbulimin e plotë të shpenzimeve të këtij kartoni gjatë vitit 2020.

“Mirë ardhshi bashkatdhetarë! Kemi arritur marrëveshjen për Kartonin e Gjelbër! Qeveria e Kosovës ka marrë përsipër mbulimin e plotë të primit të sigurimit kufitar për palët që janë subjekt i policës kufitare dhe vijnë në Kosovë gjatë vitit 2020”, tha ai. /Zëri