Hoti pret që opozita të jetë e arsyeshme kur në Kuvend shkon Ligji për Buxhet

Numri një i kuletës së shtetit, Avdullah Hoti, ka bindjen se gjatë muajit nëntor do të aprovohet në Kuvend Ligji për Buxhetin, për vitin e ardhshëm, i cili u miratuar në Qeveri në mbledhjen e fundit, të mbajtur të premten.

“Ne kemi obligim ligjor si Qeveri që brenda datës 31 tetor ta dorëzojmë në Parlament të cilën gjë veç e kemi bërë. Unë besoj që shpejt do të shqyrtohet nëpër trupat e komisionit të parlamentit dhe shpejt do të shkojë në seancë”, ka thënë Hoti në 21.

“Është çështja më e rëndësishme gjatë vitit që diskutohet në Kuvend, unë besoj që edhe opozita do të jenë të arsyeshëm për rëndësinë që ka buxheti për jetën e secilit qytetarë, pra po bëjmë fjalë për një dokument që nuk është vetëm dokument politik, nuk është si çdo ligj tjetër.

Është ligji që determinon implementimin e secilit ligj tjetër edhe prek jetën e secilit qytetar. Nëse ky buxhet nuk aprovohet na shkakton shumë probleme”, tha Hoti.