Hoti pas takimit me Lajçakun: Në tavolinën e bisedimeve ulemi vetëm për njohje reciproke

Kryeministri Avdullah Hoti po mban konferencë për media pas takimit me Emisarin e BE’së, Miroslav Lajçak.
Në konferencën për media Hoti ka thënë se Kosova në asnjë mënyrë nuk është duke e bllokuar dialogun, raporton Gazeta Express.

“Vizita e Lajçak është në momentin e duhur për të bërë vlerësim për procesin e dialogut dhe për planet e takimeve të ardhshme. Ka tema të vështira siç është Asociacioni, të cilave do t’u qasemi sipas zotimeve që I kemi bërë para Kuvendit dhe para qytetarëve”, ka thënë Hoti.

Shefi i Qeverisë ka deklaruar se është dakorduar edhe me partnerët ndërkombëtarë që Kosova ulet në tavolinën e bisedimeve vetëm për marrëveshje përfundimtare për njohje reciproke.

“Kosova për herë të parë ka qasje konstruktive në dialog, dhe nuk jemi duke e bllokuar atë. Pas dy viteve të bllokadës kemi hyrë në këtë proces dhe është mbrri dakordim edhe me partnerët ndërkombëtarë që të ulemi në tavolinën e bisedimeve vetëm për marrëveshje përfundimtare për normalizm të plotë të marrëdhënieve dhe njohje reciproke”, ka thënë ai./Express/

Hoti i prerë pas takimit me Lajçakun: Asociacioni pa kompetenca ekzekutive

Kryeministri Avdullah Hoti ka thënë se Asociacioni është temë e mbyllur në vitin 2013 dhe i njëjti që do të themelohet nuk do të ketë kompetenca ekzekutive, raporton Gazeta Express.

“Asociacioni është temë e mbyllur me marrëveshjen e vitit 2013 që është ratifikuar në Kuvendin e Kosovës, dhe mandej është marrëveshja e parimeve e vitit 2015 poashtu edhe opinioni i Gjykatës Kushtetuese për këtë temë. I kemi të gjitha garancitë dhe mbështetjen e partnerëve tanë që ky Asociacion nuk do të ketë kompetenca ekzekutive”, ka thënë Hoti.

Lexo Edhe:
Përkeqësohet situata në Itali, 41 të vdekur dhe 6 mijë të infektuar me COVID-19
Ai tutje tha se qeveria e tij ka hyrë në procesin e dialogut ku nuk do të diskutohet karakteri unitar i shtetit.

“Kur kemi hyrë në procesin e dialogut e kemi heqë idenë e shkëmbimit të territoreve dhe nuk diskutohet karakteri unitar i shtetit që do të thotë se nuk ka Asociacion me kompetenca ekzekutive”, ka thënë kreu i qeverisë./Express/