Hoti: Opozita nuk mund ta rrëzojë Qeverinë

Kryeministri i Kosovës, Avdullah Hoti, ka thënë në T7 se VV nuk i ka votat e nevojshme për të rrëzuar Qeverinë.

Ai tregoi edhe për polemikën e tij me deputeten e VV’së, Mimoza Kusari. Hoti, që është në izolim pasi ka Covidin, ishte akuzuar për mos respektim të masave pasi ishte fotografuar me ekipin e Prishtinës pas fitores në Kupën e Kosovës.

“Unë i kam respektuar plotësisht protokollet. Nuk kam pasur asnjë shenjë më herët përveç një kollë shumë të lehtë. Më kanë rekomanduar testin, ndërsa menjëherë kam shkuar në shpi dhe jam izoluar”, tha ai.

Ai ka komentuar edhe inicimin e mocionit të mosbesimit nga VV.

“Qeverinë nuk e ka rrëzuar asnjëherë opozita. Ajo rrëzohet nga brenda. Opozita nuk i ka votat. Kemi nevojë të shqyrtojmë shumë çështje brenda koalicionit. Po punojmë për marrëveshjet e brendshme. Fokuset tona janë luftimi i pandemisë dhe rimëkëmbja ekonomike”, tha ai.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).