Hoti kërkon shpërbërjen e Kuvendit

Shefi i Grupit Parlamentar të LDK-së, Avdullah Hoti, ka reaguar pas dështimit të mbledhjeve të komisioneve parlamentare, duke thënë se subjektet politike duhet të ulen së bashku për të shpërbërë Kuvendin e Kosovës.

Ai në një postim në Facebook shkruan se Kosova meriton të ketë institucione legjitime, të besueshme, që janë në krye të detyrës.

“Sot kanë dështuar shumica e mbledhjeve të komisioneve parlamentare për mungesë të deputetëve të koalicionit PAN. E udhës do të ishte që partitë politike të ulen së bashku për të shpërbërë Kuvendin. Kjo formë e qeverisjes duhet të mbarojë sepse po dëmton çdo proces në vend”, ka thënë Hoti, përcjell Telegrafi.