Hoti: Kandidatët e LDK-së do të jenë zë i fuqishëm në Kuvendin e Kosovës për të mbrojtur interesat e qytetarëve

Kandidati për deputet nga radhët e LDK-së, Avdullah Hoti, ka thënë se Lidhja Demokratike e Kosovës ka listën më të mirë zgjedhore, me 18 kandidatë me doktoraturë dhe 26 me magjistraturë.

Hoti në një postim në llogarinë e tij në Facebook ka shkruar se këta do të zbatojnë Programin Qeverisës të LDK-së për: qeverisje efikase, zhvillim të familjes, punësim, arsim dhe shëndetësi, dhe partneritet ndërkombëtarë.

Ndër të tjera Hoti ka thënë se kandidatët do të jenë zë i fuqishëm në Kuvendin e Kosovës për të mbrojtur interesat e qytetarëve dhe për të mbikëqyrur punën e Qeverisë.

“LDK me listën më të mirë, me 18 kandidatë me doktoraturë dhe 26 me magjistraturë. Në listë janë 33 nga ekonomia, inxhinieria, ndërtimtaria, financat dhe afaristë të suksesshëm, 17 nga drejtësia, 31 nga arsimi, kultura dhe sporti, 11 nga shkencat politike dhe marrëdhëniet ndërkombëtare dhe 16 ekspertë shëndetësorë.

Këta do të zbatojnë Programit Qeverisës të LDK-së për: qeverisje efikase, zhvillim të familjes, punësim, arsim dhe shëndetësi, dhe partneritet ndërkombëtarë.
Do të jenë zë i fuqishëm në Kuvendin e Kosovës për të mbrojtur interesat e qytetarëve dhe për të mbikëqyrur punën e Qeverisë. Disa prej tyre me ekspertizë të lartë do të jenë në ekzekutiv për të zbatuar programin qeverisës”, ka shkruar Hoti./Telegrafi/