Hoti: Ende s’e kemi nën kontroll pandeminë, pasi numri i vdekjeve mbetet i lartë

Kryeministri Avdullah Hoti ka thënë se Kosova ende nuk e ka nën kontroll pandeminë, pasi numri i rasteve me fatalitet mbetet ende i lartë.

Në takimin me kryetarët e komunave Hoti tha se ditëve të fundit trendi i rasteve të reja me COVID-19 është në rënie, ndërsa rastet me fatalitet mbesin ende të larta.

“Trendi i rasteve të reja ka filluar të bjerë, por nuk është shenjë se e kemi futur nën kontroll të plotë pandeminë, për shkak se numri i rasteve me fatalitet po mbetet mjaft i lartë”, ka thënë Hoti.

Kryeministri gjithashtu në këtë takim ka folur edhe për përgatitjet për fillimin e vitit të ri shkollor, për çka e ka lavdëruar Ministrinë e Arsimit për punën që po bën në këtë drejtim.

“Jemi afër vitit të ri shkollor, ministri ka bërë një punë të mirë sa u përket përvojave të shteteve tjera”, tha kryeministri Avdullah Hoti në takim me kryetarët e komunave. /Zëri