Hoti: Emërimi i koordinatorëve abuzim me paranë publike

Shefi i grupit parlamentar të LDK-së, Avdullah Hoti në konferencën javore të kësaj partie tha se emërimet e fundit të koordinatorëve nga Qeveria është keqpërdorim i parasë së shtetit raporton “Zeri.info”.

“Pas emërimit të zëvendës ministrave që bëmë gaz, tash është shpikur një marifet i ri, emërimi i koordinatorëve, ky është abuzim me paranë publike që qytetarët do të e dënojnë kur të vi koha për votim”, tha Hoti.

Hoti tha edhe se gjendja në sektorin e shëndetësi është dëmtuar më shumë.

Po ashtu sipas Hotit Kosova në politikën e jashtme është plotësisht në defanziv dhe nuk bëhet fjalë për njohje të reja. /Zeri