Hodges: Të hiqen ‘vijat e kuqe’ për Kosovën e Serbinë dhe të mbështeten për t’i rezistuar presionit rus

Ish-gjenerali i ushtrisë amerikane në Evropë, Frenklin Ben Hodges, në një intervistë për edicionin në gjuhën serbe të Zërit të Amerikës, ka thënë se Shtetet e Bashkuara të Amerikës duhet të marrin një rol udhëheqës sa i përket dialogut ndërmjet Kosovës dhe Serbisë.

“Roli i Shteteve të Bashkuara të Amerikës në Ballkan dhe në bisedimet ndërmjet liderëve të Serbisë dhe Kosovës, Aleksander Vucic dhe Hashim Thaçi, duhet të jetë me i madh, udhëheqës”, ka thënë Hodges

Ai thotë se përfshirja e SHBA-së për të zgjidhur problemin ndërmjet Kosovës dhe Serbisë duhet të jetë e qëndrueshme dhe jo e herë pas hershme.

“Përkushtimi ynë duhet të jetë i qëndrueshëm, më shumë se episodik. Ne nuk mund të themi, të organizojnë një konferencë për të (dialogun0, dhe më pas të lëvizim në krejt diçka tjetër”, ka shtuar ish-gjenerali amerikan.

Përveç tjerash Hodges thotë se është e nevojshme që t’iu krijohet hapësira Thaçit dhe Vuçiqit për të arritur një marrëveshje finale, dhe se për një gjë të tillë thotë se duhet hequr ‘vijat e kuqe’, për t’i mbrojtur dy palët nga një ndikim rus.

“Kjo është arsyeja pse unë mendoj që është e nevojshme të ndihmohet dhe të krijohet hapësirë më e madhe për Thaçin dhe Vuçiqin për të arritur një marrëveshje finale. Është e nevojshme jo vetëm që të hiqen ‘vijat e kuqe’, por edhe për t’i mbështetur dhe mbrojtur nga presioni i Rusisë. Për shembull për ta ndihmuar Serbinë që t’i rezistojë presionit të Kishës Ortodokse e cila ka lidhje me Rusinë”, ka potencuar ndër të tjera Hodges, transmeton Gazeta Express.

Hodges ndër të tjera ka treguar për një bisedë që ka pasur me presidentin e Serbisë, Aleksander Vuçiq, në të cilën presidenti serb ka thënë se do të ishte katastrofike që SHBA-të të mos përfshiheshin në zgjidhjen e problemeve në Ballkan

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).