Historike – Si e kundërshtoi Ajvaz Sejdiu, Federatën e Boksit të ish-Jugosllavisë në vitin 1981?

Gjilan – Ajvaz Sejdiu i cili edhe pak javë mbush 14 vjet që nuk është në mesin tonë, pasi kishte ndërruar jetë me 9 qershor të vitit 2008, duke i lënë të pikëlluar familjarët e tij qytetarët, sportistët e punëtorët e ish-ndërmarrjes “Gosha” – tani Çeliku.

Sejdiu ishte një kuadër shumë i dashur tek populli i Gjilanit, ai me mjaft sukses kishte udhëhequr ndërmarrjen për punimin e metaleve “Gosha”. Ai ishte “mur” i pa kaluar për armikun shekullor serb. Sejdiu tërë jetën e tij gjerë sa jetoi në moshën 71 vjeçare, kontribuoi për të mirën e popullit shqiptarë në mënyra të ndryshme.

Ajvaz Sejdiu përpos që ishte një ekonomist dhe drejtues i suksesshëm, ai ishte edhe një sportist i rrallë – ai me të madhe e dashuronte sportin e boksit, por kishte edhe një karierë të suksesshme futbollistike në C.Zvezda të Gjilanit.

Ish-kryetari i KB Partizan – tani e më vonë KB Drita, Ajvaz Sejdiu, e mori këtë klub nën drejtimin e tij, në vitin 1980 gjerë në vitin 1990, kur pushteti serb largoi gjithçka që ishte shqiptare nga Palestrat Sportive.

Në vitin 1981 ish-presidenti i këtij klubi, Ajvaz Sejdiu, i cili në mesin e këtij klubit kishte boksierë të kalibrit të lartë, arrinë që KB Partizan ta inkuadron në Ligën e dytë të ish-Jugosllavisë në boks, me shumë boksier cilësor, siç ishin: Vehat Xhemaili, Selami Emini, Subahat Xhemaili, Selami Emini, Musli Zymberi, Nazim Halili, Nezir Hyseni, Ismet Haziri, Gani Berisha, Shemsi Kurtalani e të tjerë të cilët i udhëhiqte ish-trajneri i mirënjohur, Elmaz Bajrami.

Me të shpallur kampion KB Partizan në vitin 1981, Federata e Boksit e ish-Jugosllavisë, e cila konsiderohej më e forta në Evropë të cilin i printe serbo-malazezi, Danillo Ivanoviq, kërkon që skuadra nga qyteti i Gjilanit, KB Partizan, të boksoi në qytete të Serbisë, në Nish e Leskovc, për shkak protestave studentore të vitit 1981.

Por, ish-presidenti i KB Partizan, Ajvaz Sejdiu, e kundërshtoj ashpër këtë vendim të kësaj Federate, duke theksuar. “Këta boksierë dhe ky klub nuk është as i Nishit, as i Leskovcit dhe as i Serbisë, ky klub ka traditë dhe është i qytetit të Gjilanit në vendin e quajtur Kosovë. Këta djem i kanë familjet në këtë vend dhe djersa e tyre është derdhur për ngjyrat e klubit dhe qytetit të Gjilanit, nëse kërkoni me ngulm se kërkesa e juaj do të realizohet e keni shumë gabim z.kryetar Danilloviq, ne edhe më tutje do të vazhdojmë të djersitim grushtat tanë për të mirën e qytetit tone”.

Pas shumë diskutimesh Federata e Boksit e ish-Jugosllavisë, arrinë të pajtohet që boksierët e KB Partizan të boksojnë në Gjilan. Ish-boksieri i KB Partizan, tani trajner i mirënjohur në boksin e Kosovës, Nazim Halili, kujton me shumë nostalgji ish-kryetarin e tij, Ajvaz Sejdiun. “Ai ka qenë nëna e baba i KB Partizan, me ardhjen e tij ne kemi frymu shqip në klub. Ai çdo boksierit i ka dalur në ndihmë, ai ka qenë zemra e klubit, pa të as klubi nuk do të ekzistonte. Sot pas 41 vitesh për suksesin e KB Partizan i falënderohem nga zemra ish-kryetarit tonë Ajvaz Sejdiu, për gjithçka që ka bërë për ne”.

Poashtu, edhe ish-boksieri e tani trajner i mirënjohur në boksin e Kosovës, Musli Zymberi, me shumë respekt kujton momentet me ish-kryetarin, Ajvaz Sejdiun. “Nuk e di a mundemi ti tregojë të gjitha, se ka shumë të mira të tij për këtë sukses dhe për këtë popull.

Ai e deshti, e respektoi e kontribuoi gjerë në momentet e fundit të jetës së tij për popullin shqiptarë. Jam shumë i lumtur e i nderuar që kam qenë pjesë e epokës së tij”. Ajvaz Sejdiu ka ndërruar jetë me 9 qershor 2008, por veprat, dashuria dhe patriotizmin që e kishte për popullin shqiptar nuk do të shuhen kurrë./rajonipress/