Hiqen të gjitha dilemat, goli i Lenjanit zyrtarisht më i shpejti në histori të futbollit zviceran

Ermir Lenjani po kalon nëpër një formë të mrekullueshme këtë edicion me fanellën e Sionit.

Mbrojtësi i Kombëtares së Shqipërisë ditë më parë ka shënuar golin më të shpejtë në histori të futbollit zviceran.

Kamenicasi ka arritur ta dërgojë topin në rrjetë ndaj Luzernit vetëm pas 10 sekondave lojë.

Fillimisht u mendua se Lenjani ka barazuar rekordin e Moussa Konate, por tanimë dilemat janë hequr në Zvicër.

Teleclub ka bashkuar dy videot e golave ku shihet se Lenjani ka arritur ta dërgojë topin në rrjetë për 9.93 sekondave, ndërsa Konate pas 10.24 sekondave.

Rastësia është që të dy lojtarët kanë shënuar gola me fanellën e Sionit dhe tani klubi zviceran mund të krenohet për dy golat më të shpejtë në histori të futbollit në shtetin helvetik. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).