KKGJILAN

“Himni i Gilanit” emblema identifikuese që do të ruhet e kultivohet brez pas brezi nga gjilanasit

/ 3 minuta lexim

Gjilan – Këngëtari Naser Berisha ka lansuar videoklipin e tij të titulluar “Himni i Gilanit” projekt ky që është pritur me shumë interesim të madh nga publiku i gjerë. Vetëm brenda 24 orëve ka pasur mbi 35 mijë klikime dhe jam tejet i lumtur dhe krenar që Gjilanit i kemi ofruar portën emblematike që do të ruhet e avancohet brez pas brezi shprehet Naser Berisha për rajonipress.

Këngëtari Naser Berisha po ndihet krenar dhe i lumtur që projekti i tij i fundit i dedikuar ekskluzivisht Gjilanit dhe gjilanasve, ka marrë jehonë të madhe publicitare dhe qindra përgëzime e mijëra klikime brenda pak orëve.

Berisha për rajonipress ka shpalosur idenë dhe zanafillën e këtij projekti domethënës për një qytet me kulturë evropiane.”Ideja më është propozuar para tre muajve nga ana e Arsim Vranovcit i cili edhe është donator i këtij rrugëtimi dhe e kam pritur me shumë zell e kënaqësi. Ishte një projekt shumë domethënës për karrierën time sepse duhej prezantuar qytetin e Gjilanit të parë nga shumë kënde e fusha” shprehet Berisha.

Berisha thotë se kënga është pritur mirë dhe brenda pak orëve është klikuar mbi 34 mijë herë dhe kam marrë qindra mesazhe përgëzimi e urimi.

Uji Dea

Sipas Berishës të gjitha pamjet e videoklipit janë realizuar në Gjilan, ku janë angazhuar shumë njerëz që e kanë përkrahur e ndihmuar në forma të ndryshme projektin.

“Gjilanit i është dashur Himni edhe pse unë e kam pasur në plan që në karrierën time t`ia kushtojë një këngë enkas qytetit të Gjilanit, por se kam menduar në këtë formë. Por e rëndësishme është se doli vërtet bukur dhe Gjilani në videoklip është përfshirë pothuajse i tëri sepse aty është përfaqësuar kultura, traditat, trashëgimia, sporti, jeta sociale e akademike dhe shumë fusha e kategori që Gjilani identifikohet si qytet, me kulturë dhe traditë evropiane, pa e harruar edhe mërgatën e dashur e cila është shtylla dhe zemra jo vetëm e fuqisë ekonomike” tha Berisha.

Ndryshe tekstin e kësaj kënge e ka shkruar, Naser Berisha e Xhelil Haziri, muzikën Naser Berisha, orkestrimin Rinor Ukimeri dhe mix – master nga Minimalistmusic dhe pamjet nga Art Fabe – Fazli Berisha./rajonipress/