Orientimet përfundimtare, e edhe strategjia e bisedimeve Beograd – Prishtinë do të saktësohen pas vizitës më 31 tetor në Beograd të sekretares amerikane të shtetit Hillary Clinton dhe të përfaqësueses së lartë të Bashkimit Evropian Catherine Ashton.
Gazeta “Blic” e Beogradit thotë se ato kanë kërkuar takim të përbashkët me kryetarin dhe me kryeministrin serb Tomislav Nikoliq dhe Ivica Daçiq.
Tash për tash askush me siguri nuk mudn të pohojë ose mohojë që njëra nga kërkesat që në bisedime, pos Thaçit e Daçiqit të përfshihen edhe presidentët Nikoliq e Jahjaga, njofton Koha.
Platforma për negociata me Prishtinën në të cilën ka punuar ekipi i kryetarit serb i është shpërndarë kreut shtetëror serb. Teksti ende nuk është finalizuar dhe ai duhet të analizohet edhe më nga të tjerë. Kreu shtetëror serb njëzëri ka thënë se negociatat me Kosovën me ndërmjetësim të BE nuk mund të vihen në pikëpyetje.
