“Hidromorava” pritet ta riparojë rrjetin e ujësjellësit në Artanë

Gjilan – Drejtori Gjeneral i “Hidromoravës”, Muhamed Suliqi ka falënderuar Kryetarin e Artanës për vizitën dhe angazhimin rreth realizimit të marrëveshjes dhe theksoi se “Hidromorava” gjatë kësaj jave do të shpall tenderin për riparimin e 7 rrjeteve të ujësjellësit në komunën e Novobërdës, ku në periudhë sa më të shkurtër të mundshme “Hidromorava” do të merr në menaxhim shtat rrjetet e përmendura dhe të gjitha këto me qëllim të furnizimit sa më të mirë të të gjithë banorëve të komunës së Novobërdës me ujë të pijshëm.

Kryetari i Komunës së Novobërdës z.Svetisllav Ivanoviq me bashkëpunëtorët e tij ka vizituar Kompaninë Regjionale për mirëmbajtjen e ujërave “Hidromorava” nga Gjilani, dhe me këtë rast është takuar me drejtorin Gjeneral të Hidromoravës z.Muhamed Suliqin.

Qëllimi i kësaj vizite ishte njoftimi me procedurat momentale që zbaton “Hidromorava” në lidhje me marrjen e të gjitha sistemeve të rrjetit ujësjellësit në Komunën e Novobërdës.

Ivanoviq ka falënderuar përfaqësuesit e “Hidromoravës” për bashkëpunimin e gjertanishëm dhe theksoi se pret bashkëpunim edhe më aktiv ndërmjet komunës së Novobërdës dhe kompanisë regjionale për mirëmbajtjen e ujësjellësve “Hidromorava” nga Gjilani.

Drejtori Gjeneral i “Hidromoravës”, Muhamed Suliqi ka falënderuar Kryetarin për vizitën dhe angazhimin rreth realizimit të marrëveshjes dhe theksoi se “Hidromorava” gjatë kësaj jave do të shpall tenderin për riparimin e 7 rrjeteve të ujësjellësit në komunën e Novobërdës, ku në periudhë sa më të shkurtër të mundshme “Hidromorava” do të merr në menaxhim shtat rrjetet e përmendura dhe të gjitha këto me qëllim të furnizimit sa më të mirë të të gjithë banorëve të komunës së Novobërdës me ujë të pijshëm./rajonipress/