“Hidromorava” ndihmon Karaqevën kufitare

Gjilan – Karaqeva e Poshtme ka një kohë të gjatë që nuk e ka të funksionalizuar ujin e pijes. “Hidromorava” ditëve të fundit ka marrë një iniciativë për të përmirësuar dhe rinovuar rrjetin e ujësjellësit tha Selver Lenjani.

Ndonëse ekziston rrjeti u ujësjellësit në fshatin Karaqevë e Poshtme, ka një kohë të gjatë që nuk është funksional.

Selver Lenjani përfaqësues i fshatit tha për rajonipress se drejtori gjeneral i “Hidromoravës”, Muhamet Suliqi së bashku me njësinë e Kamenicës kanë ndërmarrë një iniciativë për ta ndihmuar këtë fshat kufitar. “Kompania “Hidromorava” e ka marrë përsipër rregullimin dhe funksionalizimin e rrjetit të ujësjellësit” tha Lanjani.

Sipas Lenjanit ky fshat ka problem të vazhdueshëm me ujin e pijes dhe ky intervenim është shumë i domosdoshëm dhe dobiprurës për komunitetin./rajonipress/