Hetemaj tregon pse refuzoi Kosovën për Finlandën

Përparim Hetemaj ka thënë se nuk ka qenë zgjedhje e lehtë për të zgjedhur Finlandën para Kosovës.

Mesfushori i Chievos, Përparim Hetemaj javë më parë kishte vendosur që t’i thonte jo Kosovës, për të vazhduar të luaj për Finlandën.

Ai tha se kjo nuk ka qenë një zgjedhje e lehtë dhe për këtë e ka ndihmuar edhe vëllai i tij, Mehmeti.

“Mehmeti tha se nuk do të bëja asnjë gabim sikur ta zgjidhja cilindo opsion, pasi të dyja opsionet ishin korrekte. Familja në Kosovë shpresonte ta përfaqësoja Kosovën, do të ishte nder për ta. Në fund, ndjeva që ishte më e mirë të vazhdoja me Finlandën”, tha Hetemaj.

Kujtojmë se Hetemaj nuk pranoi të luante në ndeshjen e parë të Finlandës kundër Kosovës, në shenjë respekti për vendin e të parëve të tij. /Express/