Hetemaj kthehet në Finlandë

Mesfushori kosovar me pasaportë finlandeze, Mehmet Hetemaj, karrierën e tij do ta vazhdoj aty ku e filloi. 26-vjeçari është bashkuar me skuadrën finlandeze Honka ku do të luaj në stinorin e ri. Këtë lajm e ka konfirmuar tanimë ish-skuadra e tij Albinoleffe nëpërmjet faqes zyrtare të klubit.

“UC Albinoleffe njofton se futbollisti Mehmet Hetemaj ka kompletuar transferimin e huazimit tek skuadra Honka. Hetemaj do të jetë pjesë e Honkas i huazuar për një vit me mundësi blerje”, shkruhej në komunikatën e klubit italian.