Hetemaj i gatshëm kundër Udineses

Mesfushori Përparim Hetemaj do të jetë në dispozicion të trajnerit të Chievos, Eugenio Corini, për ndeshjen kundër Udineses. Ndeshja Udinese – Chievo zhvillohet të shtunën dhe është e vlefshme për xhiron e 23-të të kampionatit italian, Serie A.

Hetemaj ndeshjen e fundit u detyrua të largohej nga fusha qysh në pjesën e parë për shkak të një lëndimi. “Hetemaj do të jetë në dispozicion të trajnerit për ndeshjen kundër Udineses. Ai ka bërë kontrollin mjekësor dhe i është dhënë leja për të luajtur”, shkruan të mërkurën “repubblica.it”.

Hetemaj 27-vjeçar këtë edicion në Serie A të Italisë ka zhvilluar 19 paraqitje. Ai ka kontribuar me tre asistime.