Heronjtë e pastërtisë së qytetit i gjen kudo

Gjilan – Punëtorët e “Eco – Higjienës” mund t`i takosh kudo. Ata i gjen në çdo cep të qytetit duke pastruar. Një qytetar i moshuar derisa shikonte punëtorët e kësaj kompanie duke pastruar lumin “Mirusha” u shpreh:”Çka do të ndodhte po të mos ishin këta djem”.

Punëtorët e “Eco – Higjienës” lirisht mund të quhen heronjtë e pastërtisë dhe gjelbërimit të qytetit të Gjilanit. Ata i gjen në çdo cep të qytetit, i takon në çdo kënd ku ka gjelbërim, por edhe bërllok e papastërti.

Edhe të martën dy punëtor të “Eco – Higjienës” pastronin lumin “Mirusha”, eliminonin çdo bërllok të hedhur aty në lumin e kësaj përroske. “Ne ishim në Viti dhe e pam sesi kryetari i Komunës Sokol Haliti bashkë me punëtorët pastronte lumin “Morava” dhe tham pse nuk pastrojmë edhe ne” u shpreh njëri nga punëtorët.

Bajram Isufi drejtor i “Eco – Higjiena” tha për rajonipress se kjo kompani është e përkushtuar që qytetet e Anamoravës t`i mbajë të pastra dhe me një ambient të shëndoshë për qytetarët. “Punëtorët tanë ndodhen kudo dhe aty ku e kërkon nevoja dhe ku shohim se ka nevojë ne intervenojmë. Po intervenojmë në çdo vend ku ka mbeturina ose ku mund të ndotet ambienti” tha Isufi.

Një qytetar i moshuar gjilanas derisa vështronte punëtorët u shpreh me fjalët: “Çka do të ndodhte po të mos ishin këta djem. Unë këta i quaj heronj të vërtet” tha qytetari. /rajonipress/