Kosova do t’i zhvillojë dy ndeshje të rëndësishme në muajin tetor.
Fillimisht me 10 tetor, Dardanët do të luajnë ndeshje miqësore me Gjibraltarin, ndërsa katër ditë më vonë luajnë për kualifikime me Malin e Zi.
Trajneri Bernard Challandes ka marrë një lajm jashtëzakonisht të mirë këtë fundjavë.
Njëri nga futbollistët kryesor të Kosovës në repartin e mesfushës, Herolind Shala është rikthyer nga lëndimi.
Shala kishte thyer dorën javë më parë, çka i kishte kushtuar me humbjen e dy ndeshjeve të shtatorit ndaj Çekisë e Anglisë.
Mesfushori i Kosovës është aktivizuar në 25 minutat e fundit për skuadrën e tij Valerenga në duel me Viking.
27-vjeçari ka disa ditë që është duke punuar me grupin tjetër të skuadrës në stërvitje dhe nga java tjetër pritet të luajë titullar për Valerengan.
Shala pritet që të grumbullohet për dy ndeshjet e radhës të Kosovës, pasi është njëri nga lojtarët e preferuar të përzgjedhësit Challandes. /Telegrafi/
