Hendbollistet e Dritës sigurojnë mbetjen në Superligë

Gjilan – Hendbollistet e Dritës në qytetin e Istogut kanë zhvilluar ndeshjen e PlayOut-it, ne ballafaqim me hendbollistet e Prizerenit, duke ngadhënjyer me rezultat 23:36. Me këtë fitore hendbollistet e Dritës kanë arritur të mbijetojnë në Superligën e Kosovës në Hendboll, ky është një sukses i madh duke ditur vështirësitë financiare probleme te cilat e kanë përcjellur këtë klub gjatë gjithë kampionatit.

Drita kampionatin e rregullt e ka përfunduar në pozitën e parafundit në Superligën e Kosovës në Hendboll, ndërsa Prizereni ishte i renditur në pozitën e dytë në Ligën e parë të Kosovës.

Vashat e Dritës e filluan ndeshjen duke realizuar 5 gola ndërsa mysafiret asnjë, kjo diferencë e golave sa kalonte ndeshja rritej gjithnjë.

Hendbollistja më e dalluar tek Drita ishte Alketa Bahtijari me 12 gola të shënuar, e ndihmuar nga Bleona Rexhepi me 8 gola. Ndërsa, tek musafiret më e dalluara ishte Ilirijana Cakiqi me 10 gola. Pas kësaj fitore të rëndësishme, kryetari i klubit, Avni Bllaca, i gëzuar ka theksuar. “Jam shumë krenar me paraqitjen e hendbollisteve gjatë gjithë kampionatit, duke ditur vështërsit që na kanë percjellur. Një falënderim i veçantë shkon për trajnerin, Rifat Shabanin, mjekun Shefqet Mehmet, dhe gjithë stafin e klubit. Uroj që kampionatin e ri ta fillojmë më të përgatitur dhe kërkoj që klubit të hendbollit Drita, bizneset t’ju dalin në ndihmë”./rajonipress/