Hendbollistët e Dritës rikthehen në Superligë – shpallen kampion të Ligës së Parë

Gjilan – Hendbollistët e Dritës kanë arritur që pas dy vitesh të rikthehen në Superligën e Kosovës në hendboll, duke dëshmuar se kjo skuadër e ka vendin në elitën e hendbollit të Kosovës.

Nga 14 ndeshje të zhvilluara “bardhekaltërtit” e Dritës, kanë arritur të dalin fitimtar në të gjitha takimet duke shënuar rekord pa asnjë humbje. Në ndeshjen e fundit hendbollistët e Dritës mposhtën Lepencin e Kaçanikut me rezultat 41-36, edhe në këtë ballafaqim djelmoshat e Dritës dëshmuan se ishin të pa konkurrencë në këtë edicion.

Meritë kryesore për këtë triumf kanë të gjithë hendbollistët, por edhe kryesia e klubit e cila ka kontribuar të stabilizoj skuadrën me gjithë kushtet e vështira të cilat janë shfaqur gjatë tërë kampionatit sidomos ato financiare.

Kryetari i klubit të KH Drita, Arsim Halimi, pas këtij rikthimi të suksesshëm të Dritës në Superligë është shprehu. “Ja kemi arritë qëllimin të rikthehemi në Superligë, rrugëtimi ka qenë shumë i vështirë, i përgëzoj të gjithë hendbollistët për kontributin e dhënë poashtu edhe kryesin e cila nuk ka kursyer asgjë për të mirën e klubit, ky sukses i dedikohet të gjithë dashamirëve të hendbollit Gjilanas”.

Hendbollistët e Dritës në fund të ndeshjes ju takoi Kupa e fituar si dhe u stolisën me medalje./rajonipress/