Hendbollistet e Dritës me kryesi të re e trajner të ri
RajoniPress
17:10, 8 Gusht, 2018
Gjilan – KH “Drita”, në konkurrencën e femrave, e cila garon në Superligën e Kosovës në hendboll, me mjaft optimizëm e presin kampionatin e ri 2018/19.
Në lokalet e këtij klubi është mbajtur Kuvendi i ri i punës, në të cilën janë përzgjedhë strukturat e reja organizative në klub.
Pas një pune të mbarë dhe transparente, kryetar i KH Drita është emëruar Muharrem Halimi, nënkryetar Ali Bajrami, sekretar është emëruar Avni Bllaca, ndërsa posti i trajnerit i është besuar trajnerit të mirënjohur, Rifat Shabani.
Kryetari i ri i KH Drita, Muharrem Halimi, menjëherë pas kuvendit zgjedhor ka bërë me dije se hendbollistet e Dritës do të kenë një ardhmëri më të mirë.
“Është nder të jesh kryetar i një klubi me traditë në hendbollin Kosovar, Drita tani me decenie me radhë ka dhënë emra të mëdhenj në hendbollin femëror, ne që nga dita e parë do ti përvishemi punës për të mirën e klubit, jemi një grup të cilët do të japim gjithçka nga vetja për ngjyrat e klubit do të bëjmë të gjitha përgatitjet
për Kampionatin e ri dhe do ti riaktivizojmë të gjitha kategoritë në klub, lirisht mund të them se në klubin e Dritës tani e tutje do të fillon një punë profesionale dhe shpresoj se me strukturat e klubit së bashku do t’ja arrijmë qëllimin”, ka theksuar, kryetari Muharrem Halimi.
Për sekretarin e klubit, Avni Bllaca, vashat e Dritës në këtë stinor do të jenë befasia e kampionatit.
“Duke e parë gjendjen e hendbollit femëror në kushte të vështira materiale, së bashku me anëtarët e rinjë të klubit Drita kemi arritë të bëjmë një projekt afatgjatë për ngjyrat “bardh e kaltër” të klubit, tani e tutje secili individ do t`i merr përgjegjësit e veta dhe së bashku do t’ja arrijmë qëllimin që e kemi para vete duke ja rikthyer namin që dikur kishin hendbollistet e Dritës, kjo ka bërë që të rikthejmë edhe trajnerin e mirënjohur në hendbollin Kosovar, Rifat Shabani”, ka bërë të ditur Bllaca.
Kryesia e re i ka falënderuar të gjithë ata që kanë kontribuar gjerë më tani për KH Drita.
Hendbollistet e Dritës tani e një kohë të gjatë janë nën mëshirën e fatit, por vullneti ndaj klubit ka bërë që klubi mos të shuhet.
Shpresohet se me ardhjen e kryesisë së re në klub gjërat do të lëvizin për të mirën e vajzave të Dritës./rajonipress/
