Helvetas Swiss Intercooperation marrëveshje konkrete me komunën e Kamenicës

Kamenicë – Së bashku me Luan Hotin, menaxher i programit APR, pranë zyrave të Helvetas Swiss Intercooperation e nënshkruam një marrëveshje për themelimin e Zyrës për Investime dhe Mbështetje të Bizneseve (ZIMB) ka shkruar Qëndron Kastrati.

ZIMB do të ketë për detyrë hartimin e projekteve dhe aplikimin nëpër organizata vendore e ndërkombëtare për përfitimin e donacioneve.

Gjithashtu ZIMB do të organizojë trajnime të ndryshme për bizneset lokale si dhe do të përkujdeset që të hartohen plane konkrete biznesi, ide inovative, mundësi për investime ku synim kryesor do të jenë investitorët potencialë nga mërgata.

Përmes kësaj zyreje do të kryhen analiza të ndryshme që do të shërbejnë për të lehtësuar investimet potenciale.

Falënderojmë përfaqësuesit e Helvetas Swiss Intercooperation për bashkëpunimin dhe shpresojmë që ky bashkëpunim të vazhdojë dhe të thellohet ka thënë Qëndron Kastrati./rajonipress/