Helvetas-i zviceran mbështet bizneset edhe në Kamenicë

Kamenicë – Qeveria zvicerane pritet të mbështesë bizneset e vogla dhe të mesme edhe në Komunën e Kamenicës. Begzad Sinani këtë mbështetje e sheh si të dobishme për komunën dhe për bizneset.

Begzad Sinani ka nënshkruar një memorandum me Swis Interkorporacion Helvetas nga Zvicra e cila ka ofruar mbështetje për bizneset e vogla dhe të mesme në Kamenicë.

Sinani është shprehur i kënaqur që Zvicra po investon në këtë qytet ku nevojat për përkrahje ndaj bizneseve janë të shumta.”Vërtet është një ndihmë e shumëpritur e cila u mundëson bizneseve të ecin tutje. Edhe ne si komunë i kemi mbështetur me mundësitë tona, por projektet e tilla janë shumë më të favorshme” tha Sinani./rajonipress/