Heidi Lushtaku, e pëlqyera e kompanive zvicerane

Sukseset e saja s’kanë të ndalur. Heidi Lushtaku, e cila jeton në Cygy të Zvicrës, aktualisht është një nga modelet më të kërkuara në Zvicër dhe më gjerë.

Thuajse çdo ditë ajo na shfaqet me një reklamë të re. Së fundmi, bukuroshja shqiptare ka reklamuar për qendrën e bukurisë “Swiss beauty Training”.

Bilbordat tashmë kanë “pushtuar” të gjitha qytetet e Zvicrës, veçanërisht ato ku flitet gjuha frënge.

Siç dihet, Heidi ishte finaliste e “Miss Zvicra 2013”, ndërsa përveç reklamave të shumta për firma të njohura në Zvicër dhe Francë, ajo për disa muaj punoi si modele edhe në Azi, duke reklamuar për kompani të ndryshme, ndër to edhe për kompaninë “Honda”.

Bukuroshja nga Kosova me profesion është dentiste, ndërkaq pos modelimit, ajo është marrë edhe më këndim, ku kohë më parë pati realizuar këngën “Put it up”, në bashkëpunim më Genc Prelvukajn.

http://www.albinfo.ch/heidi-lushtaku-e-pelqyera-e-kompanive-zvicerane/